သာမန်လူတယောက်၏ သာမန်အတွေးသာမန်အရေး

ကုန်ဆုံးဖို့နီးပါးဖြစ်နိန်ရေ ငါ့အချစ်တိက ကြယ်ရောင်တိမတောက်ပရေ လမိုက်ညဥ့်အမှောင်အောက်ထဲမှာ ဆက်လက်ရှင်သန်းနိန်ရရေချစ်သူ။

အိပ်မက်မဆန်ဒဏ္ဍာရီမဟုတ်ခလို့ ငါ့နှလုံးသားမှ ချစ်ခြင်းဖွဲ့သံစဉ်တိစွာ အမြဲတမ်းရှင်သန်နိန်ရရေ။ တသက်မှာတခါ တဘဝမှာတယောက်အဖြစ်နန့် မင်းကိုချစ်နိန်ရရေ။ တသက်မှာတခါ ရင်မှာပွင့်လန်းလာရရေ ငါ့မေတ္တာပန်းချေတပွင့်ကို ငါ့အချစ်ဆုံးသူ မင်းဂေါင်းထက်မှာ ပန်းခွင့်မရလိုက်ဘဲနန့် ကြွီးနွမ်းပနာ ရင်တဖိုဖိုနန့် ငိုကြွီးကျန်ခဖို့ကို တွက်ကြည့်လို့ ငါ့ရင်ထဲမှာ သဲပျက်မတတ်ပါ။

ငါ့ရင်ထဲမှာပွင့်လာရေပန်းချေတပွင့်က အပယ်ခံပန်းတစ်ပွင့်မဟုတ်ခကေ မင်းဘဝအတွက် အတွယ်တာပန်းချေတပွင့်တော့ခါ ဖြစ်သင့်ရေလေ။ အစားထိုးမိန့်မရခြင်းတိနန့် မင်းတယောက်တည်းကိုသာ ချစ်နိန်စွာပါရာ။

ယကေလေ့ တွယ်တာတတ်တေနှလုံးသားတခုကို မတွယ်တာတတ်တေပိုင်၊ မိန့်လို့မရ နိန့်နိန့်ညည လွမ်းနိန်ရစွာတိကို မလွမ်းတတ်တေပိုင် နှုတ်ပိတ်နိန်ရရေသူပါရာ။ ဇာဖြစ်လို့လည်းဆိုကေ မိုးနန့်မြီပနာ အလှမ်းကွာဝီးရေငါ့ဘဝက စန္ဒာလမင်းကြီးနန့် မှိတ်တုတ် မှိတ်တုတ်နန့် ဖြစ်နိန်ရေကြယ်ချေပိုင်ချောင် လင်းအားတိကွာနိန်ရေဘဝမှာ မဟာပထဝီမြီကြီးမှာ ခြီစုံရပ်လို့ ထို… အာကာထက်က လမင်းကြီးကို လိုချင်လို့ လွမ်းဆွေးပနာ ငိုရေပိုင်ချောင်ရာ ဖြစ်လီဖို့လား။ အလှဒေဝီ သီတာဒေဝီကို ချစ်ခီမှားကေ ဒသဂီရိပိုင်ရာ ဖြစ်လီဖို့လား။ အေပိုင်လားပေါင်းများစွာ ရင်ထဲမှာရောထွီးယင်းနန့် မင်းနန့်တွိ့ဆုံနိုင်ဖို့ အင်အားတိလည်း ငါ့မှမဟိပါဗျာယ်ဝေး.. ချစ်သူ။

၂၃-၀၇-၂၀၀၃

ငါ ဇာပိုင်ဝင်ခံရဖို့လဲချစ်သူ...။
နှလုံးသားတိ မောပန်းယင်း မင်းမျက်ဝန်းမှာကျဆုံး
နစ်မျောနီရရေလေ...။ ဘဝ၏အရေးအကြီးဆုံး
လိုအပ်ချက်တခုအဖြစ်နန့် ငါက မင်းကို
ွှအဂင့်ဂင့် ချစ်နီစွာပါ...။ အချစ်လို့ စ,နားလည်
ကတည်းက ငါ့ဘဝမှာ မျှော်လင့်ချက်တိ
မဟိနိုင်မှန်းကို ရင်ထဲကအလိုလိုသိနီကေလေ့
မင်းတယောက်တည်း ကိုမှရာချစ်မိနီရေ
ငါ့ စိတ်ကို တားဆီးလို့မှမရစွာကို....။
ကင်းလွတ်ခွင့်မရရေ ဒေအလွမ်းတိနန့်ရာ
မင်း၏ အပြုံးပုံရိပ်တိကို တမ်းတတပ်မက်နီဆဲပါ
ချစ်သူ...။

ကိုယ်စားချန်လို့မရနိုင်ရေ မင်းရဲ့မျက်ဝန်းထဲမှာ
ငါ့၏နှလုံးသားတိကိုလည်း တဘဝလုံးမြှုပ်နှံ
အပ်ထားလိုက်ပြီးပါဗျာယ်ချစ်သူ...။ ရာသီနှင့်အတူ
မပြောင်းလဲတတ်သောအချစ်တိ ငါရဲ့ရင်ထဲမှာ
ထာဝရရှင်သန်နီမြဲပါ...။ တစ်ဘဝလုံး ပိုင်ဆိုင်ခသမျှ
အရာတိနန့် နှိုင်းယှဉ်လို့မရရေ အချစ်အတွက်
ခါးသီးစူးယှရေ အိပ်ပျက်ညည့်များစွာထက်မှာ
မင်း၏ အရိပ်တိက ငါ့ဘဝတခုလုံးကိုစိုးမိုး
လိုက်ပါဗျာယ် ချစ်သူ...။

ခမ်းခြောက်လုနီးပါးဖြစ်နှီရေ ငါ့၏အားအင်တိကို
မင်းက ဖြည့်ဆည်းပီးခရေချစ်သူ...။ငါ့ဘဝ၏ ပြဒါးမဲ့ကြေးမုံမှာ
မင်းအပြုံးများစွာ ထင်ကျန်နီယင်း ညှိုးရောနီရေ ငါ့၏
ပင်စည်တွင်းကို ရီကြည်တိ ဖြန်းပက်ပီးခသူဆိုစွာလည်း
မင်းပါ ချစ်သူ...။ အစားထိုးနှိုင်းယှဉ်မရရေ
မင်း၏အကြောင်းတိက ငါ့ဘဝအတွက် တသက်လုံး
မမိ့နိုင်စရာ အမှတ်တရတိ ပါချစ်သူ...။

.................
၂၃-၂-၂၀၀၃

ငါ့ဘဝက အကြွီခံသက်သက်ပန်းတပွင့်ပိုင်ပါဝေ။
မင်းကို ရင်ကွဲမတတ်ချစ်နီလျှက် နောက်ကွယ်ကသာ
လွမ်းနီခွင့်ရနီရေဘဝ။ အချစ်လို့ စ,နားလည်
ကတည်းက ငါ့ဘဝမှာ မျှော်လင့်ချက်တိ တခုလည်းမဟိ
နိုင်မှန်းကို ရင်ထဲကအလိုလိုသိနီမိရေ။ယကေလေ့
မင်းကိုချစ်နီမိရေ ငါ့၏စိတ်တိကို တခုပိုင်လည်းတီးဆီးလို့မရနိုင်ပါ။

ဝဋ်ကြွီးတိတပုံတပင်ကြားမှာ မင်း၏ ချိုမြိန်လှရေအပြုံးတိကို
ခုံမင်လာယင်းနှင့် ငါ့ဘဝ၏ အလင်းအ်ိမ်တခုအဖြစ်
အားသစ်တိနှင့် တောင့်တဆဲပါချစ်သူ။ အစားထိုးနှိုင်းယှဉ်စရာတိမဟိရေ
ငါ့၏အချစ်တိကို တနိ့နိ့တချိန်ချိန်မှာ မင်းနားလည်နိုင်ပါစီလိ
ု့ ကြိတ်မှိတ်ဖြေသိမ့်ယင်းနန့်သာ ဆုတောင်းနီပါရေချစ်သူ။
တွယ်တာတတ်သူရို့ သဘာဝအတိုင်း တွယ်တာမှုစည်းဝိုင်းကြားက
အလွမ်းများစွာတောက်ပဖို့အတွက် ငါ့ဘဝမှာ မင်းကိုဇာပိုင်နည်းနှင့်မှ
မိ့လို့ရနိုငဖို့စွာမဟုတ်ပါဗျာယ် ချစ်သူရယ်....။
------------------
၂၁-၃-၂၀၀၃