အတိုးပေါ်အတိုးဆင့်
Posted on 4/30/2009 by
IDEA MYANMAR
ဒီကနေ့ရုံးမှာလူစည်ပါတယ်။ လာတဲ့လူတွေက စုံတွဲနှစ်တွဲပါ တစ်တွဲက ပိုက်ဆံရှိပုံရပါတယ်၊
အမျီုးသမီးက ဟန်းဖုန်းကိုစားပွဲပေါ်ပြစ်တင်ပြီး၊ပါလာတဲ့ဖိုင်တွဲထဲက စာချုပ်ကိုပြကာ “ကျွန်မတို့အိမ်ခြံ
အရောင်းအ၀ယ်စာချုပ်ထဲကအတိုင်းအတည်ဖြစ်အောင်လုပ်ပေးပါ” တဲ့၊
တစ်ဘက်စုံတွဲကတော့ဆင်းရဲနွမ်းပါးပုံပေါ်ပါတယ်၊
“ခင်ဗျားတို့ကရော ”
“သူတို့ကရုံးကိုလိုက်ခဲ့ရုံးရောက်မှရှင်းမယ်ဆိုလို့ကျွှန်တော်တို့လိုက်လာကြတာပါ”
ကျွန်တော်သူတို့ပေးလာသောစာရွက်စာတမ်းများကို ဖတ်ကြည့်လိုက်ပါသည်။
အလိုလေး ချစ်တီး ခေတ်ကိုပြန်ရောက်သွားသလိုပါဘဲလား..........
အဖြစ်ကဒီလိုပါ အိမ်ခြံအရောင်းအ၀ယ်စာချုပ် ထဲကရေးထားတာတွေကြောင့်ပါ။
ကျွန်တော်တို့ မြိုင်သာယာရပ်ကွက် ကအိမ်နဲ့ခြံတွေဟာ ရေ၊မီး အပြည့်စုံနဲ့ဆိုရင် အနည်းဆုံး
သိန်းလေးဆယ်လောက်တန်ပါတယ်။ အရောင်းအ၀ယ်စာချုပ်ထဲမှာ ချုပ်ထားတာကငွေရှစ်သိန်းထဲနဲ့
ပါ။ အဲဒီရှစ်သိန်းမဆပ်နိုင်တာကြောင့်ကြွေးရှင်က သိန်းလေးဆယ်လောက်တန်တဲ့အိမ်ကို ရုံးကို
စာချုပ်အတိုင်းမတရားလာသိမ်းခိုင်းတာပါ။
သူတို့ကပြောပါသေးတယ် အစဉ်ပြေအောင်လုပ်ပေးရင် ကျွန်မတို့ကစေတနာ
မနည်းပါဘူးတဲ့။
ကျွန်တော်ငွေချေးတဲ့ အတွဲကိုမေးတော့ “ ကျွန်တော့်မိန်းမဆေးရုံတက်တော့
ငွေအရမ်းလိုပါတယ်၊ကျွန်တော့်မှာကြံရာမရဖြစ်တာကြောင့် အိမ်ချလံ ပေးပြီးငွေချေးမိပါတယ်၊
“ကျွန်တော်ယူမိတာ ငွေတစ်သိန်းထဲပါဗျာ”
“ကျွန်တော်ကြိုးစားပြီးဆပ်ခဲ့ပါတယ်။အတိုးကြီးဘဲ ငွေတစ်သိန်းနှစ်သောင်းပြန်ဆပ်ပြီးပါပြီ”
ကြွေးရှင်က ၀င်ပြောပါသည်
“ဟုတ်ပါတယ် သူတို့မဆပ်တဲ့ လတွေကအတိုးတွေနဲ့ကျွန်မက ငါးလပြည့်တိုင်းတိုးရင်းပေါင်းပါတယ်”
“ယခုစာချုပ်ကတိုးရင်းခြောက်ခါဆင့်ထားတာပါ ၊ သူတို့မပေးနိုင်လို့အရောင်းအ၀ယ်စာချုပ်အတိုင်း
အိမ်သိမ်းဖို့လုပ်ပေးပါ ဥကဌ”
ကျွန်တော်ဖြေရှင်းရပါပြီ -“ ကျွန်တော်တို့ရုံးမှာတရားမ၀င်ငွေချေးငှားတာတွေမရှင်းပေးပါဘူး။
ရွာမှာစည်ပင်ကိုအခွန်ဆောင်ပြီးအမိန်.အရတရားဝင်အပေါင်ဆိုင်နှစ်ဆိုင်တည်းရှိပါတယ်။
မဖြစ်မနေဖြေရှင်းပေးပါဆိုရင်တော့ ယူထားတဲ့လူရဲ့ ယူထားတဲ့ငွေပမာဏပြန်ရအောင်တော့
ဆောင်ရွက်ပေးပါတယ်၊အဲဒါတောင် အဲဒီမိသားစုရဲ့စုစုပေါင်းလစဉ်ဝင်ငွေရဲ့သုံးပုံတစ်ပုံကို
ယူထားတဲ့အကြွေးအတွက်ရုံးမှာလာပေးသွင်းရပါမယ်၊
ကျွန်တော်တို့ရွာမှာအရင်တုန်းကလိုသူကြီးနဲ့ပေါင်းပြီးအတိုးပေါ်အတိုးဆင့်၊မတန်တဆ
သူတပါးအိမ်ကို အဓမ သိမ်းတဲ့ခေတ်က ကုန်ခဲ့ပါပြီ၊ လုံးဝ အိမ်ကိုသိမ်းမပေးနိုင်ပါဘူး
ကျွန်တော်တို့ရုံးက ဆုံးဖြတ်တဲ့အတိုင်းလိုက်နာမယ်ဆိုရင် ကျွန်တော်ပြောခဲ့တဲ့
အချက်တွေအတိုင်းဖြစ်အောင်ဆောင်ရွက်ပေးပါ့မယ်”
ကျွန်တော်ဒီနေ့လဲ ငွေရှင်မမရဲ့ သြဘာပေးခြင်းကိုခံရပါတယ်။
“လုံးဝမကြေနပ် ပါဘူး ၊ ရှင်တို့ဆုံးဖြတ်တဲ့အတိုင်ိးဆိုရင် ကျွန်မလုပ်စားတာအများကြီးနင့်နာသွားမှာ
ပေါ့၊ကျွန်မကမရှုပ်ချင်လို့ရှင်တို့လိုအောက်ခြေအဆင့်နဲ့လုပ်တာ၊ကျွန်မအထက်ကိုတက်မယ်၊
ရှင်တို့ကို လည်း အထက်မှာတိုင်မယ်”
ပြောပြောဆိုဆို ဇောင့်ဇောင့်နဲ့ ရုံးထဲကထွက်သွားပါတော့တယ်။
အထက်မှာ ဘာတွေဆက်ဖြစ်ကြဦးမယ်ဆိုတာကျွန်တော်တို့မသိပါ၊ ကျွန်တော်တို့ဟာ
( clean government ) ကို ဖေါ်ဆောင်ဖို့တာဝန်ပေးအပ်ခြင်းခံရတဲ့ (new blood) တွေ
မဟုတ်ပါလားခင်ဗျာ.......................
ဇာနည်။